Koalicioni gjithëpërfshirës mund të ishte shkatrimtar për Isa Mustafën dhe lëvizjen Vetëvendosje, ka thënë për Radio Dukagjinin, analisti Roland Gjoni.
Ai potencon se me LDK-në dhe Vetëvendosjen në opozitë, Qeveria Thaci mund ti kishte ditët e numëruara.
E analisti tjetër Behlul Beqaj potencon se koalicioni gjithpërfshirës do
të ishte më I mirë se ai që do të ndodhte vetëm për të hipur në pushtet.
Mitrovica pritet ti jap fund procesit zgjedhor. Por ende pa u përmbyllur mirë ky process, subjektet politike kanë filluar kalkulimet për koalicion. Mediat vendore dje dhe sot kanë raportuar se Qeveria Thaci 2 mund të merte bekimin e deputetëve të partive të tjera.
Deputetët që do mund ta votonin Qeverinë, I quan amoral analisti Behlul Beqaj. Sipas tij ata duhet ti qëndrojnë besnik politikës së subjektit që përfaqësojnë.
Ide tjetër që është duke qarkulluar është ajo e koalicionit gjithëpërfshirës, kjo ide është përmendur nga përfaqësues të LDK-së. Sipas tyre, ky koalicion do të jetonte deri në zgjedhjet e ardhëshme që do duhej të mbaheshin brenda këtij viti.
Mirëpo analistët e shohin ndryshe këtë ide. Roland Gjoni thotë se koalicioni gjithëpërfshirës do të ishte vrasës I karierës politike të Isa Mustafës dhe Vetëvendosjes.
“Vetevendosja me futjen në koalicion zhbëhet. Pra një parti, sigurt , që nuk mund të jetë në asnjë kombinim. Energjia anti Thaci, zakonosht rrethohet përreth LDK-së. LDK-ja ka lierin e rid he futja përsëri në një tandem me PDK-në ja humb shancën e sjelljes së risive të vlerave të reja nga Isa Mustafa.” shprehet Gjoni
Sipas Gjonit, mbetja në opozitë e LDK-së dhe Vetëvendosjes, I krijon pasiguri Qeverisë së Ardhëshme.
“Njëra nga këmbët e karrigës Thaci është rëzuar me rënjen e Sejdiut. E dyta, Vetëvendosja është për një Kosovë krejt ndryshe. Qetësia maratonike e Thacit është e pathemeltë”shton analsiti Gjoni
Por analisti tjetër Belul Beqaj pohon se mes dy të kqijave duhet zgjedhur të keqën që është pak më e mirë. Kjo sipas tij mund të ishte koalicioni gjithpërfshirës.
“Koalicioni gjithpërfshirës nuk do të jetë zgjidhje ideale por në krahasim me koalicionet që e kanë pikësynim vetëm pushtetin dhe respektimin e sygjerimit të miqëve tonë ndërkombëtarë, megjithatë besoj se do të ishte më I efektshëm në periudhën kalimtare”pohon Beqaj
Pas zgjedhjeve, kryeministri në shkarkim, Hashim Thaqi, që njëherit është edhe kryetar I PDK-së, parti fituese në zgjedhjet e 12 dhjetorit, shumë herë ka deklaruar se e ka të gatshëm koalicionin./radio-dukagjini
Post a Comment