Brukseli zyrtar vetem per 10 muaj jep dy lajme te cuditshme, e ky i fundit ka ne sfond driten
jeshile per Serbine ne BE, me arsyetimin se te gjithe qytetaret serbe nuk jane fajtore per veprimet e MilloshevicitNga Agim Popoci
Kur qytetaret joserbe te Bosnje Hercegovines por prisnin momentin e prangosjes se kriminelit te luftes Ratko Mlladic, gje qe kishte paralajmeruar edhe kryeprokurori i Gjykates se Hages, Bramerc, nga Brukseli vjen lajmi se Serbia ka marre driten jeshile per ne BE. Dhe jo vetem drita jeshile, kunder te ciles ishte zotuar Holanda, por Serbia menjehere me nje nxitim te papare evropian, ne nentor te ketij viti do te marre pyetesorin dhe per nje vit do te fitoje edhe statusin e vendit kandidat. E gjithe kjo drame, ndodh vetem disa dite pasi ishte pikerisht Komisioni Evropian ai qe po i terhiqte verejtjen Beogradit zyrtar se po rrezikon levizjen e lire qe kishte perfituar nga liberalizimi i vizave sepse nuk respekton marreveshjen.
E ku eshte Kosova ne kete mes, e shkaterruar, e keqtrajtuar, e perdhunuar dhe e vrare nga Serbia? Me mijera njerezit e zhdukur qe vetem Serbia i di se ku jane, me Veriun e saj qe vazhdon te kontrollohet nga Beogradi zyrtar, pa njohje nga te gjitha shtetet e BE-se dhe i vetmi shtet pa levizje te lire te mallrave dhe njerezve?
BE dhe Serbia
Keshilli i Ministrave te BE-se, edhe nje here cuditi boten duke vendosur me konsensus kandidimin e Serbise per anetaresim. Dhe derisa Komisionit Evropian nuk iu deshen as 24 ore te jape lajmin tjeter, se Beogradi zyrtar do te marre pyetesorin qe ne muajin nentor, te lenduarit nga Serbia, pra te gjithe joserbet qe jetuan ne Jugosllavi, marrin mesazhin nga Luksemburgu, se qytetaret serbe nuk jane fajtore per veprimet e Milloshevicit. Njekohesisht Ministrat e Jashtem te shteteve anetare te Bashkimit Evropian u dakorduan qe Serbia nuk do te marre statusin e vendit kandidat per ne BE, nese nuk arreston Ratko Mlladicin.
Pra, Keshilli i Ministrave te BE nuk eshte i qarte kur nga ai vijne ne drejtim te Ballkanit kesi lloj mesazhesh. Pavaresisht se ekspertet serbe jane te tmerruar nga obligimet qe e presin shtetin serb; per reformat ne gjyqesor, kthimin e pronave pronareve te ligjshem dhe nej ligj te sakte per monopolet, ata ngushellohen me faktin se edhe deri tek vleresimi i Komisionit Evropian ceshtja vazhdon te trajtohet si politike dhe nuk ka zbritur ne terren teknik.
Pra, ky pyetesor i KE-se qe per Kroacine kishte 4500 pyetje, per Malin e Zi 2.178 per Serbine do te kete jo me shume se 2000 pyetje, ose rreth 4.000 ne teresi meqe gjithcka qe eshte duke u zhvilluar ne fushen e drejtesise, eshte pjese e sugjerimeve te Brukselit, qe nenkupton edhe pjesen e pyetesorit te KE-se qe eshte me rreth mbi 2000 pyetje per sistemin e brishte te drejtesise ne Serbi.
Jo vetem qytetaret e Serbise, por edhe ekspertet i qetesoi Brukseli zyrtar. Per kete u kujdes Komisionieri per Zgjerimin, Shtefan Fule. Duke i bere te ditur Tadicit me shoke se pyetesorin do ta marrin ne muajin nentor, ai thekson se ne gjysmen e dyte te vitit te ardhshem do te marrin edhe pergjigjen: “Vertete nuk pres pyetje te vecanerisht te veshtira dhe mendoj se partneret tane ne Serbi jane shume te afert me koleget ne rajon, dhe e kuptojne se per cfare do te jene qindra e qindra pyetje”, thekson komisioneri Fule per te perditshmen serbe "Politika", duke u bere shume me servil ndaj Beogradit zyrtar se sa Ministrat e Jashtem te BE-se dhe duke e bere te qarte se nese ata i bejne keto pergjigje me kujdes, vleresimi i KE-se mund te jete pozitiv.
Por nuk eshte vetem Komisioneri i Jashtem ai i cili qeteson dhe inkurajon serbet qe sipas tyre “nuk paskan faj”. Ministri francez per Evropen, Pjer Lelush mendon se eshte fjala per nje shperblim te merituar si per reformat, ashtu edhe per perpjekjet e qeverise serbe per bashkepunim me BE-ne dhe zgjidhjen e ceshtjes se Kosoves. Kryetari i Komisionit parlamentar te Holandes per ceshtje evropiane, Han ten Bruk e riperseriti ceshtjen e bashkepunimit me Gjykaten e Hages, ndersa shefi i diplomacise se shtetit qe vazhdon te theksoje se kurre nuk do ta pranoje Kosoves si shtet, sllovaku Mikulash Xhurinda, tha se Serbia meriton me shume inkurajime per integrimin evropian.
BE dhe viktimat e Jugosllavise
Kur BE eshte shume e qarte me Serbine, nuk dihet se pse nuk eshte edhe me viktimat qe u shkaktuan nga shteti serb. Nese vetem Milloshevici eshte fajtor, atehere ku do te zene vend te tjeret? Sot kur ne emer te nje Rezolute te zbutur per Kosoven qe u arrit te pergatitet per Asamblene e Pergjithshme te OKB-se, Ministrat e Jashtem te BE-se thone se qytetaret e Serbise nuk jane fajtore, atehere sllovenet, kroatet, boshnjaket dhe shqiptaret e keqtrajtuar, perdhunuar dhe vrare nga serbet qenkane fajtore; Ose, te gjithe ata qe jane gjykuar ne Hage nuk jane fajtore, sepse vetem nje njeri na paska vepruar ne territorin e ish-Jugosllavise dhe nuk eshte ndonje cudi kur nga Luksemburgu ose Brukseli te degjojme se edhe ata duhen liruar.
Duke e lene gjithe kete proces te rendesishem, pra anetaresimin ne BE, ne rrafshin politik, ministrat e jashtem te BE-se do te kenaqen me arrestimin e Mlladicit, njeriut i cili ne sy te botes, urdheroi vrasjen e mbi 10 mije personave dhe ka 10 vjet qe verdalloset neper Serbi. Me kaq lahen mekatet e tjera serbe. Shefat e diplomacise evropiane theksojne se te gjithe qytetaret e Serbise nuk jane fajtore, por nuk ka qytetar slloven, kroat, bosnjake ose shqiptare te kete pare Milloshevicin duke keqtrajtuar, vrare, perdhunuar ose vrare, ama fqinjet e tyre serbe po. Ata te cilet sot levizin lirshem neper Evrope e se shpejti priten te jene edhe qytetare evropiane.
Kosova thuhet se eshte e cliruar ne vitin 1999, por sot e kesaj dite eshte Beogradi zyrtar qe krijon tensione ne Veri te Kosoves, vret shqiptare kur t’i teket dhe kete pjese te tokes kosovare e ka shnderruar ne vater krimi dhe kontrabande. Ministrat e Jashtem te BE-se presin edhe fillimin e bisedimeve Kosove-Serbi per ceshtje teknike, edhe pse e kane te qarte se keto nuk jane ceshtje teknike, por thjesht ceshtje serbe qe shiten ne Bruksel. Te zhdukurit nuk jane ceshtje teknike, por njerez te vrare nga dora serbe, dhe eshte vete shteti serb qe e di se ku jane keta njerez.
Funksionimi i doganave ne Veri nuk eshte ceshtje teknike, por e Tadicit, sepse eshte ai i cili financon grupet ekstremiste te turbullojne gjithcka qe kthjellohet ne kete pjese te shtetit te Kosoves. Te drejtat e serbeve dhe kthimi i tyre ne Kosove nuk eshte ceshtje teknike por eshte nje fakt qe sot figuron ne Kushtetuten e Kosoves dhe dje e kishte propozuar edhe Presidenti Ahtisari.
Dhe ne fund fare, derisa Shqiperise dhe Bosnjes dje iu ngri gjaku se Serbia nuk respekton marreveshjen e liberalizimit dhe ajo mund te perfitoje me veshtiresi nga ky proces; dhe kur kosovaret tashme te vetmen mundesi te levizjes e gjejne ne malet evropiane, ata sot marrin leksionin me te shemtuar diplomatik nga Brukseli: Kush ju ka faj qe nuk bete krime?! /rk
Post a Comment