Parashikuesi i famshëm mesjetar, Nostradamus, rikthehet në qendër të vëmendjes me
parashikimin se në vitin 2011, shkencëtarët do të arrijnë të gjejnë ilaçin e përjetësisë.”Bota do të shndërrohet e gjitha si ngjyra e qiellit. Nuk do të ketë më të vdekshëm. E fshehta do të kthehet në të vërtetë, ndërsa profetët do të na shpëtojnë ne prej rrezikut”, shkroi vizionari i madh për vitin që do të vijë pas disa ditësh.
Do të ishte me të vërtetë diçka e bukur që shkencëtarët të arrinin të bënin zbulimin më të madh të të gjitha kohërave, por parashikimi i tij duket më shumë një fantashkencë se sa një mundësi.
Sipas disa interpretuesve të tjerë, profecia mund të flasë edhe për fundin e botës. Sipas tyre, fraza që s’do të ketë më të vdekshëm i takon mbërritjes së Jezusit në Tokë në ditën e Armagedonit apo Kiametit (për musulmanët), dita e fundit përpara mbërritjes së Mbretërisë së Qiellit.
Nostradamus ka fituar famë ndër shekuj për parashikimet e tij të sakta, por profecitë shkruhen gjithmonë në një gjuhë të pakuptueshme, prandaj interpretimet e tyre pothuajse në çdo rast janë kuptuar pasi një ngjarje ka ndodhur realisht./tch
Post a Comment